.:: Strumparnir 3 ::.

Loks er hinum langþráðu tímamótum sem eldri prinsessan hefur beðið eftir frá því 24. maí 2009 lokið, nefnilega jól og áramót! Við nutum að sjálfsögðu jóla og áramóta í faðmi fjölskyldunnar en það að þeim sé lokið þýðir að afmælið hennar nálgast. Svo til vikulega biður hún um nákvæma útlistun á fjölda mánaða, vikna og jafnvel daga fram að afmælinu sínu (mamman því orðin nokkuð æfð í margföldun ). Annar mælikvarði er svo hverjir eiga eftir að eiga afmæli í millitíðinni og sú upptalning er oft mjög skrautleg þar sem lang flestir ættingjar virðast hafa fæðst á fyrstu 5 mánuðum ársins en fáir á þeim síðustu 5. Röð afmælisdaga hjá fjölskyldunni er henni mjög að skapi þar sem hún er fyrst í röðinni, þá Júlía, Ísarr, pabbi og loks mamma sem rekur lestina. Þegar hugað er að stórfjölskyldunni er hins vegar allt annað uppi á teningnum, fyrst er það Þórunn, Siffý, Vala Kristín, afi Pétur, Haukur, afi Siggi, Andrés og Ásta og svo loks prinsessan sjálf.