.:: Strumparnir 3 ::.

við ætluðum að vera lööööngu búin að setja inn nýjar myndir, en að sjálfsögðu kemur alltaf eitthvað í veg fyrir að maður hafi tíma til þess!
Það er heilmikið í fréttum hjá okkur núna og nei, það er ekki viðbót við fjölskylduna! Okkur finnst alveg nóg að vera 4 í augnablikinu, meira en full vinna að hugsa um svona 2 aktívar skvísur.
Karlotta og Kiddi eru búin að kíkja til okkar í mat öðru reglulega og höfum við rosalega gaman af því, ekki síst Sara sem græddi páskaegg frá þeim  Sem stendur er mamma hennar Karlottu að láta föndra svolítið fyrir okkur í útlandinu sem verður vonandi rosa flott
Söruskott ákvað sjálf um páskana að hætta að nota snuddu, tilkynnti pabbanum það þegar hún var að fara að sofa og gripum við því tækifærið og fjarlægðum allar gúmmídruslurnar (sílíkon- í hennar tilviki) svo hún væri ekki að freistast til þess að stinga þeim upp í sig í tíma og ótíma. Það gekk ágætlega, hún hætti nokkrum sinnum við að hætta en fékk ekki snuddurnar aftur og eftir 2 daga var hún alveg hætt að spyrja hvar þær væru.
Júlía er farin að sitja eins og herforingi og róta í öllu dóti sem hún nær í. Það sást best um daginn þegar hún heimsótti ömmu Völu og dundaði sér heillengi sitjandi á gólfinu, hálf ofan í dótakassanum!
Við ákváðum að elta aðra íslendinga við skuldsetningar í neyslukapphlaupinu og láta helluleggja hjá okkur. Það gengur mjög vel og allt að taka á sig fína mynd. Allir að kíka til okkar á herlegheitin í lok maí... meiri upplýsingar um það seinna.
Fjölskyldan fékk svo ógrynni páskaeggja, eða næstum því... Mamman tvö, pabbinn tvö og stelpurnar fjögur saman. Það var nú ekki mikið af þeim borðað um páskana, 3 minnstu eggin, svo að sem stendur er ísskápurinn fullur af páskaeggjum (jafnvel þó að dagmömmunni hafi verið gefið eitt af stelpu-eggjunum). Það er nú kannski samt vert að geta þess að við keyptum ekki eitt einasta... þetta var allt frá vinnunum!
Jæja, nóg röfl í bili... Heyrumst!

Dagurinn í gær var ekki ætlaður til stórræðanna en endaði með 10 manna matarboði (svona ef maður telur öll krílin með...)
Karlotta og Kiddi kíktu í heimsókn og við ákváðum að elda pasta saman... enda báðar "húsmæðurnar" búnar að kaupa í pastarétti daginn áður... Þá áttu Kjartan, Andrea, Ásgeir og Birgir leið í Hafnarfjörðinn og ákváðu að kíkja við í heimsókn hjá okkur og enduðu á að vera bara í mat líka... Það var mjög gaman og elstu grislingarnir skemmtu sér hið besta - mikið fjör hjá þeim hlaupandi um allt!
Myndirnar eru aaaalveg á leiðinni...

Langt síðan við skrifuðum síðast svo það er kannski kominn tími á smá update...
Allir svona sæmilega hressir - í bili. Stefnum á að kíkja á Hannes háls-, nef- og eyrnalækni með litlu prinsessuna til þess að skoða eyrun betur.
Það var árshátíð í vinnunni hjá mömmunni um helgina og var mikið um dýrðir... mjög flott í alla staði. Mikið var lagt upp úr að allt væri sem glæsilegast, þar sem þemað var Óskarsverðlaunahátíðin og sá mamman um að redda flottustu bílum flotans til þess að ferja liðið í gleðina, og tókst bara nokkuð vel til...
Litla prinsessan byrjaði 5 mánaða að velta sér yfir á bakið ef hún var sett á magann, 6 mánaða var hún farin að velta sér á alla kanta og 7 mánaða er hún farin að sitja. Ef hún er sett á magann rennir hún sér um allt og snýr sér til þess að komast að því dóti sem hana langar í. Þó er hún alltaf í bakkgírnum og er allsendis ósátt við það að fjarlægjast alltaf það dót sem henni líst á og ætlar sér að krækja í.
Lítið annað í fréttum í bili... bara aðeins að láta heyra í okkur. Skellum inn myndum fljótlega.